影片
更多
2023-06-09
64 浏览
而家台式任食火鍋開到成行成市，要突圍而出真係唔易，肯定要有特色、賣點先可以令人記住而之後再幫襯你。今次就私心推介我台式火鍋的首選之一牛品俾大家。牛品成為我的首選之一，當然有唔少特色或者賣點，首先，打邊爐最緊要一定係食物質素，而牛肉一定係指標之一。當然我呢個指的質素係計埋性價比，平時係任食邊爐中的牛肉質素都相對參差，但呢度無論你揀邊一個等級，裏面的牛肉都唔會令你失望，即使揀「牛極品」，連埋加一都唔洗3百蚊落樓，而當中的美國頂級肩胛肉望個肉色同油花絕對均勻，唔會成塊肉只係得肥羔同埋雪味，而西班牙豬梅肉質素都唔錯。其他配料方面，呢度的餃子餡料充足，蔬菜及丸類都有唔少選擇，大家可以試下台灣特色的芋心貢丸同埋櫻花蝦餅。而小食方面，首推麻辣鴨血、豬耳、牛三寶同埋地瓜球，都好有台灣原味道!之後就要講下湯底，呢度每邊湯底都好足料夠晒味道，食台式火鍋一定要揀麻辣鍋啦，佢唔係只係得死辣，而係有內涵，麻同辣係有層次的遞進。最有驚喜係養生鍋，之前曾經去一間連鎖店個養生鍋完全無味，同淥滾水差唔多。但呢度完全夠晒味，人參好似唔洗錢咁帶回甘味，提升到個層次! 而牛品另一特色就係個自助甜品吧，基本上平時食開的配料都有
牛品成為我的首選之一，當然有唔少特色或者賣點，首先，打邊爐最緊要一定係食物質素，而牛肉一定係指標之一。當然我呢個指的質素係計埋性價比，平時係任食邊爐中的牛肉質素都相對參差，但呢度無論你揀邊一個等級，裏面的牛肉都唔會令你失望，即使揀「牛極品」，連埋加一都唔洗3百蚊落樓，而當中的美國頂級肩胛肉望個肉色同油花絕對均勻，唔會成塊肉只係得肥羔同埋雪味，而西班牙豬梅肉質素都唔錯。其他配料方面，呢度的餃子餡料充足，蔬菜及丸類都有唔少選擇，大家可以試下台灣特色的芋心貢丸同埋櫻花蝦餅。而小食方面，首推麻辣鴨血、豬耳、牛三寶同埋地瓜球，都好有台灣原味道!
之後就要講下湯底，呢度每邊湯底都好足料夠晒味道，食台式火鍋一定要揀麻辣鍋啦，佢唔係只係得死辣，而係有內涵，麻同辣係有層次的遞進。最有驚喜係養生鍋，之前曾經去一間連鎖店個養生鍋完全無味，同淥滾水差唔多。但呢度完全夠晒味，人參好似唔洗錢咁帶回甘味，提升到個層次!
而牛品另一特色就係個自助甜品吧，基本上平時食開的配料都有得揀，質素仲要唔錯，芋圓唔係只得粉而真係有Q彈口感，愛玉同仙草都夠滑溜，而其他配料例如紅豆、紫米等都有用糖水浸過。講真，平時你去台式甜品店食一碗都要幾十蚊吧! 除此之外，近排仲送埋雪糕，仲要係Haagen Daz，口味方面絕對唔Hea，例如有藍莓撻、冧酒提子同埋雲妮拿朱古力紅桑子，最重要係任食! 基本上只係食甜品都已經值回票價。
张贴
