驚安燒肉商店

营业中

休息中

老字號燒肉店，高質又親民之選。上·九宮格 乜都想試又有選擇困難嘅我，梗係揀燒肉九宮格啦～一次過試晒九款高質和牛，牛魔王們必點。有三角腩、五花、赤身、極黑和牛、三筋、一口和牛、牛舌心、韓式護心肉、壺漬牛肋肉。個人最愛極黑和牛，油花極豐富、牛味濃郁！可配上蒜蓉、日式燒汁或青檸辣椒汁，非常滿足～另外再叫咗柚子漬雞肉山，雞肉好滑，帶有淡淡柚子清新香味，味道唔錯！日式薯仔沙律上有蟹籽同卡樂B薯片，好得意嘅配搭，口感有趣；個粟米天婦羅都好香口好好味！火炙和牛冷麵有一片和牛、半隻溏心蛋、醃蘿蔔。個麵質好彈牙，加埋酸酸地嘅醬汁，有驚喜。紫菜月見飯，飽都要食！大量嘅紫菜再配上超香濃蘭王蛋，無得輸。