一日三餐 (已結業)

譚文豪老細開食肆，之前新開張已成為超人氣黃店，每次路過都見店外大排長龍，週末扚起心肝去排隊，大概等左45分鐘有位（有點感動）本身想試焗飯，不過即叫即製要等20分鐘，唔想阻住地球轉而打消念頭。試左個咖喱牛脷飯 $58 咖喱香而不辣，撈飯一流，牛脷有五塊，幾厚身，夠淋。鐵板XO海鮮炒烏冬 $66 包飲品，味道唔錯，應該落左好多XO醬去炒，食到蝦米乾。配料有魷魚，八爪魚仔，蝦等等，都幾足料，不過鐵板上有個缺點係痴底，底部烏冬有點乾硬化。離開時見到店外等位人龍仲長左，果然利害！餐廳食物我覺得唔錯，但唔算有特色，要排一個鐘既話我會試吓其他黃店。