影片
更多
2019-01-05
110 浏览
熟識筆者的朋友都知我是個朱古力控，不時周圍去餐廳、Cafe、便利店及甜點專門店等，尋找最新推出的朱古力新品。早前韓國同台灣都掀起「髒髒包」熱，據說呢款麵包係用咗大量可可粉同朱古力漿製作，朱古力味超香濃，所以一直想找個機會試下。早前從朋友處得知，台灣人氣軟歐包/調飲店「Share le Pain 微烤烘焙」喺香港開咗分店，據說店子除了有台灣大熱的爆漿珍奶軟歐、三色髒髒包、多款鹹麵包供應之外，仲有香港限定嘅藍芝士奶蓋調飲、珍珠鮮奶茶等，淨係齋聽都覺得吸引，所以趁這天下班後，就特意過嚟銅鑼灣店選購。新店座落於世貿中心 2 樓 207-208 號舖，到埗後先去麵包櫃細看。咦，麵包款式不多，只剩下幾款牛角包、軟歐包同三色髒髒包等。原來據店員稱，因為店裡嘅麵包太受歡迎，所以有好多款式都已經售罄，好彩還有我想試嘅爆漿珍珠軟歐包、三色髒髒包同少女心之戀，就一於全部買曬。頭號最想吃的就是這個髒髒の胖 ($35)，朱古力味的髒髒包以 70% 比利時朱古力製作，而這個麵包最特別之處是除了巧克力醬和忌廉芝士外，還加入了松露巧克力，感覺更加高級，加上入口外脆內軟，既香滑又不膩喉，食落帶濃郁可可香，非常滋味。至於
早前從朋友處得知，台灣人氣軟歐包/調飲店「Share le Pain 微烤烘焙」喺香港開咗分店，據說店子除了有台灣大熱的爆漿珍奶軟歐、三色髒髒包、多款鹹麵包供應之外，仲有香港限定嘅藍芝士奶蓋調飲、珍珠鮮奶茶等，淨係齋聽都覺得吸引，所以趁這天下班後，就特意過嚟銅鑼灣店選購。
新店座落於世貿中心 2 樓 207-208 號舖，到埗後先去麵包櫃細看。咦，麵包款式不多，只剩下幾款牛角包、軟歐包同三色髒髒包等。原來據店員稱，因為店裡嘅麵包太受歡迎，所以有好多款式都已經售罄，好彩還有我想試嘅爆漿珍珠軟歐包、三色髒髒包同少女心之戀，就一於全部買曬。
頭號最想吃的就是這個髒髒の胖 ($35)，朱古力味的髒髒包以 70% 比利時朱古力製作，而這個麵包最特別之處是除了巧克力醬和忌廉芝士外，還加入了松露巧克力，感覺更加高級，加上入口外脆內軟，既香滑又不膩喉，食落帶濃郁可可香，非常滋味。
至於另外兩款囧囧の胖 ($35) 同羞羞の胖，食味亦很不俗。兩款麵包同髒髒の胖一樣，用上雲朵造型，外表非常之大，一個人肯定食唔曬，和朋友分享就最適合不過。綠色嗰款係抹茶味，餡料用上奶滑吉士、綿密紅豆粒同甘香抹茶粉製作，入口滲出清幽的抹茶芳香。
另外櫻桃色嗰款係羞羞の胖 ($35)，呢個包唔使多講，相信大家都應該估到係士多啤梨口味。成品用上獨創貴腐酵母製作，包身食落非常軟熟，與香滑忌廉芝士甚為匹配，加上內藏的士多啤梨乾，入口酸酸甜甜，帶醒胃莓果味，很對女生胃口。
食完三色髒髒包，輪到試下另外兩款人氣麵包：少女心之戀 ($22) 同爆漿珍奶軟歐。少女心外形甜蜜誘惑，原來入面夾咗紅桑子、台灣士多啤梨果乾及朱古力豆，吃起來既酸甜又滋味，口感層次豐富迷人。
至於用上原葉現磨的台茶 18 號紅玉茶粉炮製的爆漿珍奶軟歐 ($15) 亦勁好味，包身濕潤軟彈，入口鬆軟又帶茶香。原來爆漿餡料係由珍珠及台灣紅玉紅茶吉士混成，珍珠選用台灣空運到港的白玉珍珠，再加入台灣純正黑糖，不落人造色素，靠人手拌煮至粒粒均勻上色，珍珠煙韌彈牙、吉士入口細滑奶潤，每一口都感受到澎湃的爆漿效果。
除了麵包以外，店子亦同時提供即叫即製的茶飲，一場嚟到，當然要試下。選了珍珠鮮奶茶 ($36) 同爆爆水果茶各一。珍珠鮮奶茶以台灣和斯里蘭卡出產之紅茶沖製，配以明治 4.3 特濃牛奶，面頭再加上法式鮮打忌廉。茶底鮮而不澀、忌廉香潤厚綿、珍珠甜美彈牙，三者配搭得恰到好處，真係無得輸。
至於爆爆水果茶 ($35)，用料亦非常豐富，茶底為南投四季萃玉四季春茶，而杯入面仲有多款新鮮現切時令水果，包括菠蘿、蘋果、香橙、檸檬、柑桔等，入口酸甜醒胃，清新宜人。下次再嚟，要試下店裡的鹹麵包。
张贴
