影片
更多
2024-09-05
189 浏览
餐廳：火赤 (尖沙咀)地址：尖沙咀寶勒巷29號寶昌商業大廈5樓呢間位於尖沙咀、主打燒鳥料理日式串燒嘅火赤唔經唔覺開咗兩年半，呢段時間佢哋一直堅持全人手製作每一串串燒🍢，由食材嘅嚴選、人手將食物穿串燒，到每一串嘅統一性同賣相，以致火候嘅掌握都有嚴格嘅要求同規定✊，希望食客食得出佢哋嘅用心❤️火赤由入行廿幾年、喺日式串燒料理有超過十年經驗嘅Kin師傅主理👨🏻🍳，行入充滿日系特色嘅空間，雖然空間唔大，但都可以揀室外寧靜嘅空間同好友愛人傾偈💬，或者坐喺室內吧枱欣賞師傅炮製每串串燒嘅過程🔥，不過咁啱我坐嘅位置同師傅燒串燒嘅距離就有啲遠🥲火赤對燒鳥嘅食材質素相當講究，佢哋特別揀選咗日本農場直送嘅香草雞肉🐓，因為運動量高嘅關係以致肉質特別嫩滑、紮實、彈牙，加上用咗百里香、鼠尾草、迷迭香等香草餵飼🌿，令雞肉自帶天然嘅香草風味😋，今次就試咗雞食道($38)、雞頸肉($38)、雞心($38)、提燈($48)同糯米雞肉棒($48)，有好多稀有部位真喺食都無食過😂，例如食道有啲似大腸咁煙煙韌韌，但比較少脂肪同有爽脆嘅口感；雞頸肉脂肪就相對多啲，有啲似雞髀肉咁軟嫩多汁💦；提燈就喺限定嘅，由母雞嘅輸卵管、卵巢同未
地址：尖沙咀寶勒巷29號寶昌商業大廈5樓
呢間位於尖沙咀、主打燒鳥料理日式串燒嘅火赤唔經唔覺開咗兩年半，呢段時間佢哋一直堅持全人手製作每一串串燒🍢，由食材嘅嚴選、人手將食物穿串燒，到每一串嘅統一性同賣相，以致火候嘅掌握都有嚴格嘅要求同規定✊，希望食客食得出佢哋嘅用心❤️
火赤由入行廿幾年、喺日式串燒料理有超過十年經驗嘅Kin師傅主理👨🏻🍳，行入充滿日系特色嘅空間，雖然空間唔大，但都可以揀室外寧靜嘅空間同好友愛人傾偈💬，或者坐喺室內吧枱欣賞師傅炮製每串串燒嘅過程🔥，不過咁啱我坐嘅位置同師傅燒串燒嘅距離就有啲遠🥲
火赤對燒鳥嘅食材質素相當講究，佢哋特別揀選咗日本農場直送嘅香草雞肉🐓，因為運動量高嘅關係以致肉質特別嫩滑、紮實、彈牙，加上用咗百里香、鼠尾草、迷迭香等香草餵飼🌿，令雞肉自帶天然嘅香草風味😋，今次就試咗雞食道($38)、雞頸肉($38)、雞心($38)、提燈($48)同糯米雞肉棒($48)，有好多稀有部位真喺食都無食過😂，
例如食道有啲似大腸咁煙煙韌韌，但比較少脂肪同有爽脆嘅口感；
雞頸肉脂肪就相對多啲，有啲似雞髀肉咁軟嫩多汁💦；
提燈就喺限定嘅，由母雞嘅輸卵管、卵巢同未成熟嘅雞蛋黃組成，蛋黃仲一咬即爆，食落幾有新鮮感同無想像中咁恐怖😜
除咗燒鳥串燒，火赤仲提供其他多元化嘅串燒同美食，例如食落香口脆卜卜啱晒佐酒嘅燒鱈魚乾($48)、
有新意嘅水牛芝士煙肉卷($48)、
新鮮得嚟加咗木魚花嘅福岡秋葵($38)同
唐辛子($38)，
仲有用咗日本新潟米整成嘅醬油燒飯團🍙($38)，配埋5款餐廳提供嘅串燒調味料：一味粉、七味粉、山椒粉、抹茶鹽同柚子鹽，就更加能夠創造屬於你嘅串燒風味😌
张贴
