Tamarind

营业中

休息中

今日同老公去咗旺角行街，行到通菜街嘅時候，見有間泰國餐廳，6點鐘已經有人排隊，剛巧又撞到老公朋友出黎，佢話呢間泰國菜好好食，叫我哋要去食吓。餐廳裝修勁有泰國街頭大排檔feel，全場爆滿，座無虛席。餐牌選擇ok，樣樣都好想食，價錢亦非常親民，我哋每個類別都叫左d。炭燒豬頸肉：炭香味濃，唔會燒得太乾，豬頸肉嫩，好香口。泰北燒雞：雞皮燒得金黃夠脆，調味料用左香茅蒜蓉同薑等醃製，入口味道非常香，雞肉嫩滑，帶肉汁，真心覺得好好食。泰式牛肉船麵：配料有肥牛、牛丸同炸豬皮，另外湯底有金不換同通菜。湯底用咗豬骨熬製，味道極濃。麵底我哋揀咗金邊粉，比較掛汁，整體唔錯。蟹肉奄列：奄列煎得夠焦香，蛋味香濃，咬落去啖啖蟹肉，口感軟軟，好好食。飲品：泰國象啤夠冰凍，芒果沙冰口感幼滑，芒果甜，味濃，裡面仲有粒粒芒果，好有口感。