火山燒 (已結業)

一班朋友終於約齊腳食飯，大家都喺港島返工所以就揀左喺銅鑼灣食飯。諗左好耐都諗唔到食乜好，但大家都係食肉獸上OpenRice睇下有乜放題，見火山燒呢間評價唔錯所以就上去試試。一入到去環境非常唔錯，好有日本風味。再睇下張放題紙有成7張咁多，火鍋海鮮刺生燒肉樣樣有，就知今晚一定會好飽。不過淨係有數量冇用嘅，質量先係最重要。話明係食肉獸，緊係試哂咁多款燒肉啦。點知果然冇令到我地失望，肉嘅顏色好靚好新鮮好有肉味，我自己就最推介肉舌同牛肩肉。肉舌肥而不膩，牛肩肉味最濃。呢兩個我地都唔知encore左幾多轉。最好嘅係食燒肉咁熱氣俾一定價錢啤酒可以refill下下火。雖然佢地主打燒肉，但海鮮嗰啲都合格以上，絕對唔係出面放題嗰啲cheap野。食得肉多轉下口味都好。