八公

营业中

休息中

行過旺角經過呢間小食店。諗住小食店快靚正，食啲小食晾一個晾個胃，之後食正餐。點知中伏。食物不足料，貨不對版。聲稱超足料傳統碗仔翅，出到黎係超不足料！服務態度差劣，可能你會話平價小食店唔好講服務，淨係想好似自動販賣機出嘢食就ok,但係一路食，一班厭惡工作嘅阿姐一路做一路鬧東鬧西。不斷喺你食緊嘢嘅時候抹你野食既側邊。小店位於後巷，食食下唔對路一浸後行坑渠味。個碗仔翅雖然超不足料，但呢餐都食到幾飽。因為肚有氣。