靚煲皇 (已搬遷) 新店位置

當豬骨煲仲濫過乜的時候，仲有人敢以煲為名？未死過啊？但當話說某日第一次去時，心諗：咪又係大角咀…點知一去到，嘩！唔係啊嘛？海洋世界啊？海鮮火鍋有魚游下游下唔奇。有蝦有蟹仲係正常的。有水魚墨魚魷魚赤貝花甲生蠔蟶子全部都仲郁的，唔係急凍貨…樣樣都係新鮮先羅命。蕃茄牛展湯底，食完之後連湯都清埋。火鍋只要用料新鮮已經掂左7成，新鮮又上乘直情贏晒啦。估唔到旺角都有咁乾淨的火鍋。