影片
更多
2017-10-05
122 浏览
銅鑼灣近時代廣場附近，有一間係29樓我叫做「101手工涮涮鍋」，上到去以紫色燈光為主，門口裝修好有氣派，餐廳環境好大，座位非常寬闊，而且有海景一望無際，除咗卡位位置之外，仲有沙發位置，而且外面有個露天露台，有幾張高枱可以企喺度一邊飲酒、一邊望風景、一邊傾計，非常寫意。套餐價值＄388一位，首先包含前菜仲要係無限追加，「手工麻辣麻醬手撕雞」同埋「秘製麻辣木耳」兩款帶點小辣嘅味道，食落去好開胃。見到有咁多特色飲品選擇，真係忍唔住要叫幾杯來試吓，當然不得不叫就係我至愛嘅「盆栽特濃朱古力奶茶」，面頭好多Oreo粒粒，飲落去除咗食到珍珠煙煙靭靭嘅口感之外，飲落去朱古力味道非常香濃，好快就飲晒了。之後再叫左「盆栽香芋奶茶」、「熱柑桔柚子蜜」同埋「青蘋果水果冰茶」等等試吓，都好好飲啊。最超值嘅係連「有酒精飲品」都係無限免費追加，真係超值啊。涮涮鍋有10款選擇，由於我哋鍾意食雞煲，所以揀咗主菜係「台灣香辣三杯雞涮涮鍋」，裏面除咗雞之外，仲有好多其他配料，雞好大件多肉少骨，食落去肉質滑嫩，而且入味。另外我哋每人加$58試吓個「時令海鮮拼盤」，包括五種新鮮海鮮，當中不得不提就係「游水大海蝦」同埋「卜卜大蜆
銅鑼灣近時代廣場附近，有一間係29樓我叫做「101手工涮涮鍋」，上到去以紫色燈光為主，門口裝修好有氣派，餐廳環境好大，座位非常寬闊，而且有海景一望無際，除咗卡位位置之外，仲有沙發位置，而且外面有個露天露台，有幾張高枱可以企喺度一邊飲酒、一邊望風景、一邊傾計，非常寫意。
套餐價值＄388一位，首先包含前菜仲要係無限追加，「手工麻辣麻醬手撕雞」同埋「秘製麻辣木耳」兩款帶點小辣嘅味道，食落去好開胃。
見到有咁多特色飲品選擇，真係忍唔住要叫幾杯來試吓，當然不得不叫就係我至愛嘅「盆栽特濃朱古力奶茶」，面頭好多Oreo粒粒，飲落去除咗食到珍珠煙煙靭靭嘅口感之外，飲落去朱古力味道非常香濃，好快就飲晒了。
之後再叫左「盆栽香芋奶茶」、「熱柑桔柚子蜜」同埋「青蘋果水果冰茶」等等試吓，都好好飲啊。最超值嘅係連「有酒精飲品」都係無限免費追加，真係超值啊。
涮涮鍋有10款選擇，由於我哋鍾意食雞煲，所以揀咗主菜係「台灣香辣三杯雞涮涮鍋」，裏面除咗雞之外，仲有好多其他配料，雞好大件多肉少骨，食落去肉質滑嫩，而且入味。
另外我哋每人加$58試吓個「時令海鮮拼盤」，包括五種新鮮海鮮，當中不得不提就係「游水大海蝦」同埋「卜卜大蜆」，只需要煮幾分鐘就可以食得，食落去肉質好爽口，唔需要點醬汁都食到佢嘅鮮味，必定要追加。
「肉類」叫咗「手工安格斯Prime Grade牛頸脊肥牛片」，成碟牛呈現鮮紅色，擺放得好靚，軟綿綿嘅口感，肉質平均，有好濃郁嘅鮮牛肉味道，好好食。
「101特選手工火鍋拼盤」有八款火鍋配料，特別係「墨魚汁烏結糖」第一次見同埋第一次食，原來係由新鮮嘅墨魚汁製成墨魚膠，入面仲有一粒粒新鮮嘅墨魚粒，食落去口感煙靭彈牙，食到香濃墨魚嘅原汁原味，必食之選。
除此之外，用木板上嘅「手工即炸響鈴卷」賣相非常吸引，好大條好大件，而且係新鮮即炸出嚟，香脆無比，只需要放入鍋灼3秒就可以食得，外軟內脆嘅口感好正啊。
之後仲有好多火鍋配料選擇，而且係無限免費追加的，真係值回票價，不得不提必定要叫「足八寸長雪場蟹棒」，果然配合其食物名稱，條蟹棒好長，而且食落去質感好軟熟。
最後甜品就係「咖啡奶凍」，面頭有啲木糠碎同埋Oreo粒粒，奶凍好滑而且香濃，食落去好似飲緊咖啡咁。最後食到捧住個肚出門口，仲可以有咁靚嘅海景欣賞，呢一餐真係值回票價。
张贴
