吞POT 雞煲火鍋.住家菜 (譽發廣場) (已結業)

雞煲就成日係元朗食。今次有朋友話唔想入落 叫我去旺角一齊試一間。 朋友話都幾多人食，所以都book Jor位。發現都幾多人食下，唔夠7點都坐滿哂。但睇左睇餐牌就發現呢個係高檔派雞煲，啲野食都幾貴下，同我食開既大排擋雞煲唔一樣。首先啦，雞煲最緊要就係夠唔夠入味。一旦唔入味 可以講唔洗再食。呢度既雞煲都算幾入味，雖然唔係我食過最入味既，但非常惹味。無話一味spicy咁。最正既係啲雞好嫰滑！！呢個真係難做到。下次想再似佢既其他煲。呢間好既地方就係都有幾多料揀，有海鮮，有肉，有一啲特色野。海鮮我就無試到，其他既我覺不過不失。大家可以純粹鍾意就試下啦。牛肉粒就唔洗試，麻麻地但個芝士響鈴可以試下，都好新鮮既做法 又幾好食。