愛麗絲的秘密花園 (已結業)

期待！期待！期待！終於book到位食wonder garden cafe ! 裝修好靚、好華麗，真係好似置身愛麗絲嘅世界一樣！一入到去已經十分興奮！每次食主題餐廳，都唔會對佢嘅食物有期望，通常貴同埋好睇唔好食。但係呢度嘅嘢食真係好食喎！我哋叫咗一個意粉同埋一個迷你漢堡餐，價錢好合理，味道亦比預期之中好！飲品都唔錯。要咗一個綠茶鮮奶同埋一杯玫瑰咖啡。值得一題係個綠茶鮮奶，係分開兩杯相然後自己混合。我同朋友食完都唔願意走影相影餐飽先捨得走！值得一讚嘅係佢冇限住用餐時間(唔知係咪因為我平日幫襯)，waitress亦都好Nice好願意幫我地揸機合照！整體都好滿意，非常享受