9 3/4 cafe (已結業)

早前已經知道有一間相似嘅餐廳，估唔到香港都開咗，不過去到門口就發現其實呢間就係一間粉絲專門店。 因為佢同華納， 羅琳，係完全冇關係。不過一場嚟到冇理由唔試下嘅， 裏面嘅裝潢真係好哈利波波，最得人鍾意佢係有齊曬唔同嘅魔杖，連我最欣賞嘅佛地魔都有，真係估佢唔到。先點了呼呼，南瓜現即南瓜湯。 南瓜味十足，香滑可口。芽菜教授秘製沙律即牛油果蕃茄沙律， 份量十足 足足有成一個牛油果，如果知道咁大分， 下次可以叫少啲。卷卷蝦 即酥炸薯仔蝦， 香脆可口內裏蝦肉，打成膠狀口感煙韌， 十分彈牙 ，估唔到主題餐廳嘅食物都咁出色。港口匙為意式三文魚帶子意大利飯， 誠意之作， 三文魚成為三文魚抹，每一口都充滿三文魚嘅味道。飲品點了奶油啤酒， 外表睇落去真係好似啤酒，其實就係忌廉上面加 奶沫， 完全以假亂真。其實當上嚟食餐飯都唔錯，因為嘢食嘅質素都可以，價錢又唔係貴。