為食龍 (已結業)

朋友近日轉左工在附近返工，太好了，終於可以約到佢食lunch。餐廳沿半山自動扶梯可直達都好方便，環境有森林花園恐龍元素，好有侏羅紀feel。樓底幾高，安排上左第兩層，採用自然光好開揚，揀了側邊卡位比較寧靜。午市原來得套餐供應，選擇唔算好多，但賣相和味道都比相像中好食，都算唔錯的，套餐有杯綠茶和前菜的。銀鱈魚西京燒伴和風沙律定食 $164銀鱈魚扒相當大塊，口感軟滑且入味，大啖肉好滿足，仲有塊魚皮充滿油香超鍾意食。個飯撈下汁食比較好味，有埋沙律菜幾開胃又健康，好啱女仔食。牛油蜆肉湯烏冬伴芝麻芝麻雞翼 $129蜆仔好多滿滿的，食極都仲有，烏冬軟滑彈牙，湯底鮮甜好香牛油味，味道唔錯。仲有海帶、薄薄的腐皮、日式八爪魚仔和好大隻的芝麻雞翼，個套餐都好豐富。黃金吉列池魚 +$28外層炸得香脆，魚肉厚身無刺，入口甘香美味。西村焙茶朱古力 $42焙茶甘香加埋香滑朱古力，口味多了層次，唔會好甜，一試無妨。