Grotto

营业中

休息中

最近我哋去咗一間咖啡店，試咗佢哋嘅「走進仙境下午茶盒」$328，呢個下午茶盒設計得非常精緻，適合兩人分享。迷你牛角包窩夫配莓果醬和椰子奶油賣相吸引，金黃酥脆，配上莓果醬同椰子奶油，莓果醬帶有微酸甜味，椰子奶油則香滑綿密。兩款scone 都好食，培根洋蔥迷你鬆餅，口感鬆脆，味道濃郁。每一口都充滿咗培根嘅香味同洋蔥嘅甜味，鹹香適中😋班蘭椰子迷你鬆餅帶有淡淡嘅椰香同班蘭葉嘅清香，呢款鬆餅甜而不膩，味道獨特。芝廠費南雪係一款傳統法式甜品，質地鬆軟，帶有濃郁嘅芝麻香味。外層微脆，內裡濕潤，甜度適中。香橙伯爵茶費南雪，帶有粒粒香橙乾同伯爵茶香氣。煙燻鮭魚奶油起司烤三明治賣相精美，烤至金黃嘅麵包外脆內軟。牛肉奶油超司烤三明治用上咗嫩滑嘅牛肉片，配上濃郁嘅奶油超司，味道濃厚。蜂蜜什錦水果乳酪係一個清新嘅選擇，水果嘅鮮甜配上蜂蜜同乳酪，味道非常清爽。配搭呢個下午茶盒，我哋揀咗熱摩卡同茶款「Happy」。熱摩卡嘅咖啡味道濃郁，配上巧克力嘅甜味，非常暖心。茶款「Happy」係一款果香茶，清新解膩。