影片
更多
2021-03-28
273 浏览
中环小巷中的🫖𝐓𝐫𝐨𝐢𝐬 𝐂𝐚𝐟𝐞🫖餐厅装潢简约，走怀旧工业风，有一幅逾百年嘅砖墙。空间唔算太大，设有吧枱、高枱、sofa位，部分嘅枱偏细张，未必摆放到太多食物。Cafe采用左开放式厨房，吧枱位就可以欣赏到厨师既手艺，当日仲见到店员搓面团！▪️𝘼𝙫𝙤𝙘𝙖𝙙𝙤 𝙀𝙚𝙡 𝙎𝙤𝙪𝙧𝙙𝙤𝙪𝙜𝙝 𝙇𝙤𝙖𝙛 $98鳗鱼 x 牛油果 x 酸种面包 好fusion嘅配搭呢~酸种包底面都经烘过，外皮香脆，内里软熟带些微烟韧既口感。几欣赏𠮶酸种包keep到香脆，不过就无我最钟意嘅酸味。鳗鱼肥美，肉质较为扎实，肥膏位Q弹 (但个人比较钟意软嫩嘅鳗鱼) 。最顶层既housemade black truffle egg salad，黑松露味虽然唔岀，但加有粒粒生洋葱同菇，亦带淡淡黑椒香，配上软滑嘅牛油果同甜甜地嘅鳗鱼汁，整个入口湿润，一啲都唔单调！▪️𝘾𝙪𝙧𝙧𝙮 & 𝙎𝙖𝙡𝙨𝙖 𝙈𝙞𝙣𝙞 𝘽𝙖𝙤 $52Mini Bao 系列 ~ 可以拣配迷你牛角包或炸馒头。超钟意食炸馒头既我 谂都唔洗谂就拣左炸馒头！炸馒头外层酥脆，内𥚃松软湿润带奶香。咖哩猪颈肉沙沙 ~ 猪颈肉爽弹入味，阵阵咖哩香。配搭埋酸甜爽口嘅青椒红椒，好有泰
餐厅装潢简约，走怀旧工业风，有一幅逾百年嘅砖墙。空间唔算太大，设有吧枱、高枱、sofa位，部分嘅枱偏细张，未必摆放到太多食物。
Cafe采用左开放式厨房，吧枱位就可以欣赏到厨师既手艺，当日仲见到店员搓面团！
▪️𝘼𝙫𝙤𝙘𝙖𝙙𝙤 𝙀𝙚𝙡 𝙎𝙤𝙪𝙧𝙙𝙤𝙪𝙜𝙝 𝙇𝙤𝙖𝙛 $98
鳗鱼 x 牛油果 x 酸种面包 好fusion嘅配搭呢~
酸种包底面都经烘过，外皮香脆，内里软熟带些微烟韧既口感。几欣赏𠮶酸种包keep到香脆，不过就无我最钟意嘅酸味。鳗鱼肥美，肉质较为扎实，肥膏位Q弹 (但个人比较钟意软嫩嘅鳗鱼) 。最顶层既housemade black truffle egg salad，黑松露味虽然唔岀，但加有粒粒生洋葱同菇，亦带淡淡黑椒香，配上软滑嘅牛油果同甜甜地嘅鳗鱼汁，整个入口湿润，一啲都唔单调！
▪️𝘾𝙪𝙧𝙧𝙮 & 𝙎𝙖𝙡𝙨𝙖 𝙈𝙞𝙣𝙞 𝘽𝙖𝙤 $52
Mini Bao 系列 ~ 可以拣配迷你牛角包或炸馒头。超钟意食炸馒头既我 谂都唔洗谂就拣左炸馒头！炸馒头外层酥脆，内𥚃松软湿润带奶香。咖哩猪颈肉沙沙 ~ 猪颈肉爽弹入味，阵阵咖哩香。配搭埋酸甜爽口嘅青椒红椒，好有泰式既感觉。讲明Mini，份量当然比一般嘅细，下午茶嚟食下都唔错。
▪️𝙃𝙤𝙪𝙨𝙚-𝙢𝙖𝙙𝙚 𝙋𝙖𝙣𝙘𝙖𝙠𝙚 - 𝙨𝙬𝙚𝙚𝙩 $80
三层厚嘅班㦸，顶层有一大球大红袍雪糕，旁边舖满士多啤梨。好钟意𠮶大红袍雪糕，浓茶香，却毫不苦涩。带冰感，甜度低，可中和班㦸既甜腻感。不过班㦸就同想像中有啲岀入，质地软腍，蛋香偏淡，但胜在即叫即制热辣辣，同雪糕一齐食 有冷热交融既感觉。
▪️𝘿𝙖𝙧𝙠 𝙃𝙪𝙢𝙤𝙪𝙧 $45
黑芝麻竹炭拿铁，入口满满芝麻味，好smooth，甜度恰到好处，芝麻唔会被奶香盖过。旁边仲配左自家制香甜酥脆既核桃。
▪️𝙊𝙧𝙞𝙚𝙣𝙩𝙖𝙡 𝘽𝙚𝙖𝙪𝙩𝙮 $100
估唔到系cafe都可以品茶，冲茶过程讲究，店员非常有耐性地讲解。每次只用热水泡30秒，就可以泡岀清幽嘅东方美人，同时避免茶嘅苦涩。呢个份量嘅茶叶冲到七至八次，好抵饮，好啱大家坐低慢慢叹~⠀
整体而言，酸种包同mini bao味道都唔错！cafe仲不设入座时限，几适合带电脑嚟做嘢~ 不过环境就唔算特别靓特别舒服。
张贴
