金川日本料理 (已結業)

我星期一至五都喺旺角返工，星期日真係唔想到旺角，但成班Friend話要去MK吸人氣，血拼一番，我就一於奉陪。行完一輪，D friend叫我帶路食平、靚、正嘅野。呀！好彩早日喺金川食過超抵嘅Lunch，於是去睇睇，下午茶餐22至26蚊，包餐飲，班friend話個場睇落OK，於是拉隊入去，我地叫咗22蚊嘅套餐三款﹕香葱牛肉拉麵、义燒拉麵、炸餃子拉麵各配太卷兩件及餐飲，又叫咗24蚊套餐兩款﹕烟鴨胸炒烏冬、三文魚蟹籽炒飯各配飲品。食完呢餐，成班friend讚我醒，無帶錯地方，D嘢大件又抵食，有音樂聽，坐得鬆動，Good！最重要嘅係每人只係23蚊咋！其中兩個Friend見到金川晚市$138有放題，重即時Book咗5號試食，我叫佢地試完之後一定要report俾我知，睇吓我去唔去食。