影片
更多
2018-09-17
227 浏览
✏️抹茶卷蛋 ($30)之前喺佢仲喺深水埗嘅時候去過1次 但好sad摸門釘☹️☹️所以今次check晒時間先去一定要食到🤪🤪抹茶卷蛋咁啱俾我買埋最後一個 好彩😻抹茶忌廉好滿 一切落去有爆漿嘅效果喔不過其實抹茶味對作為抹茶控嘅我黎講未算好濃 而且冇回甘 呢個係有啲失望嘅 因為我都抱好大期望黎試🤣但好想讚佢個蛋糕體做得好好 軟綿綿兼有好適中嘅濕潤到😻😻!!抹茶味係未到我預期 反而另外一個味好有驚喜 下回分解😌😌-✏️黑芝麻卷蛋 ($30)雖然我黎呢度最主要係想試佢嘅抹茶甜品 不過原來最驚喜嘅係呢個黑芝麻卷蛋😻蛋糕依然係做得好好 而最突出嘅係佢嘅忌廉味道🤭🤭卷蛋包住嘅黑芝麻忌廉同樣係一切落去爆晒出黎 質地好滑 重點係好香濃嘅黑芝麻味!!!淨係個cream已經好出色 點知再食發覺原來內裏仲有好濃郁嘅黑芝麻醬🖤!成件事好滿足 大推呢個👅-✏️抹茶鮮奶 ($32)鮮奶抹茶 茶味係俾奶味重 不過抹茶控覺得都係唔夠濃🤣 而且後來放耐左俾啲溶左嘅冰搞到水晒淡晒味😣😣不過幾欣賞佢地枝環保飲管 而且末端係有個好似茶隔咁嘅洞洞設計 確保你飲用佢地嘅茶飲時唔會吸到啲茶葉/碎冰等等🙃-✏️葛餅 (抹茶+黃豆粉) ($28)葛
之前喺佢仲喺深水埗嘅時候去過1次 但好sad摸門釘☹️☹️所以今次check晒時間先去一定要食到🤪🤪
抹茶卷蛋咁啱俾我買埋最後一個 好彩😻
抹茶忌廉好滿 一切落去有爆漿嘅效果喔
不過其實抹茶味對作為抹茶控嘅我黎講未算好濃 而且冇回甘 呢個係有啲失望嘅 因為我都抱好大期望黎試🤣
但好想讚佢個蛋糕體做得好好 軟綿綿兼有好適中嘅濕潤到😻😻!!
抹茶味係未到我預期 反而另外一個味好有驚喜 下回分解😌😌
-
✏️黑芝麻卷蛋 ($30)
雖然我黎呢度最主要係想試佢嘅抹茶甜品 不過原來最驚喜嘅係呢個黑芝麻卷蛋😻
蛋糕依然係做得好好 而最突出嘅係佢嘅忌廉味道🤭🤭
卷蛋包住嘅黑芝麻忌廉同樣係一切落去爆晒出黎 質地好滑 重點係好香濃嘅黑芝麻味!!!淨係個cream已經好出色 點知再食發覺原來內裏仲有好濃郁嘅黑芝麻醬🖤!成件事好滿足 大推呢個👅
-
✏️抹茶鮮奶 ($32)
鮮奶抹茶 茶味係俾奶味重 不過抹茶控覺得都係唔夠濃🤣 而且後來放耐左俾啲溶左嘅冰搞到水晒淡晒味😣😣
不過幾欣賞佢地枝環保飲管 而且末端係有個好似茶隔咁嘅洞洞設計 確保你飲用佢地嘅茶飲時唔會吸到啲茶葉/碎冰等等🙃
-
✏️葛餅 (抹茶+黃豆粉) ($28)
葛餅質地q彈 入口好清涼
但個人覺得黃豆粉好食啲
所以總括我今次喺呢度食嘅嘢黎講 雖然我係衝著抹茶嘅嘢而黎 但抹茶整體一般般 反而非抹茶嘅就有驚喜😆😆😆
张贴
