牛壹台食 (已結業)

今日咁啱係灣仔附近早左做晒d野就收工！走到軒尼詩道一帶見到呢間台灣餐廳,突然之間湧起對台灣牛肉麵既渴望,就入去回公憶一下台灣又順便enjoy自己一人dinner.招牌紅燒牛腱心牛肉麵牛肉麵配上一細碟涼拌雲耳小食！雲耳帶住一陣醋香及蒜茸香味,相當開胃.牛肉麵上既牛腱心份量極豐富！肉質香軟嫩腍,咬入口充滿牛香,每一啖都充滿實在感.牛肉湯底濃厚呈深焦糖色,飲落牛肉麵湯帶牛香之餘亦帶一陣蔬菜甜味.牛肉麵以關廟麵做麵底,麵條滑溜,煮得唔會過腍既同時亦帶點嚼口感,吸入牛肉湯既精華.洛神花蜜洛神花蜜香甜帶住洛神花獨有既花香及酸香,入口清香又滋潤.