嵐石 - 海鮮&牛扒餐廳 (已結業)

今日同好姊妹去赤柱影相打卡, 美利樓亦係必去景點之一。天開始落起大雨, 友人建議搵個地方避雨, 順便食埋dinner先走。於是就去咗Ocean Rock食返餐, 原本想坐戶外, 可以欣賞美麗景色, 但落雨關係, 還是轉坐室內。【酸汁醃龍蝦尾沙律】HK$178龍蝦肉爽口, 伴有蕃茄仔、青瓜粒, 個汁酸味味, 開胃清新, 有幾片林身牛油果平衡口中酸度。【加州米紙卷】HK$148米紙卷包住、菠蘿薄片、紫生菜、藍芝士、手撕雞肉, 清新很有層次。【周打蜆肉麵包湯】HK$98以蜆肉、忌廉打成湯, 口感creamy, 味道甘香鮮甜, 好味得飲完湯之後個包都食埋。【Seafood Penne Zarzuela】HK$228長通粉稍為索咗個汁, creamy鮮甜, 配有多款海鮮, 蜆肉、青口、帶子、墨魚、魚柳, 不過隻蝦爽, 但冇咩味。【Mango Basil Fizz】HK$78菠蘿味較突出, 細味有芒果嘅果香, 杯邊掛上了芒果真果肉, 令賣相更有夏日色彩。