影片
更多
2014-02-03
1965 浏览
年初三，赤口。人地話赤口最好唔好拜年，費時見面，以免容易有拗撬。不過，拜左年兩日，唔通見下FRIEND都唔得咩。所以，要避免嗌交，破解赤口既最好方法，就係去整熱自己個口，結果我地去左打邊爐。六點未到去到等位，根本佢都未開。所以果5分鏡等位時間係比佢開門既。稻香既火鍋，簡單黎講都無咩可以驚喜，只係我估唔到我只係簡單如叫一個皮蛋湯底都可以比錯一個沙嗲湯底俾我，真係年初三撩交嗌咩。好啦，上晒野食啦，點知個爐開唔到。滔滔話齋，打邊爐最緊要就係要有爐，點打？結果阿姐搞左一輪先開到，又燥左一底，搞到要開番支青島黎降降火。兩條友，叫得幾多料呀，粗粗地叫左個「A級美國肥牛」，菜籃，四寶丸，蟹柳，蜂巢豆腐，墨魚滑，半份響鈴同半份水餃雲吞咁啦。肥牛算唔錯，起碼有牛味，唔似啲劣食肥牛咁得個肥字；四寶丸同墨魚滑味道唔錯，只係好似落左太多粉咁，比較鬆散；雲吞水餃有驚喜，起碼足料；響鈴蟹柳同豆腐就算吧啦，我響街市買果啲都好過佢。之後黎多支青島，埋單計數要成$500，其實都幾貴，呢個價錢我其實去西環食火井會好好多。不過，話說回來，我地兩條友坐左成三粒幾鐘佢都無趕我地走，又無趕住收野，都不失為一個傾計既好地方。另外，
六點未到去到等位，根本佢都未開。所以果5分鏡等位時間係比佢開門既。稻香既火鍋，簡單黎講都無咩可以驚喜，只係我估唔到我只係簡單如叫一個皮蛋湯底都可以比錯一個沙嗲湯底俾我，真係年初三撩交嗌咩。
好啦，上晒野食啦，點知個爐開唔到。滔滔話齋，打邊爐最緊要就係要有爐，點打？結果阿姐搞左一輪先開到，又燥左一底，搞到要開番支青島黎降降火。
兩條友，叫得幾多料呀，粗粗地叫左個「A級美國肥牛」，菜籃，四寶丸，蟹柳，蜂巢豆腐，墨魚滑，半份響鈴同半份水餃雲吞咁啦。肥牛算唔錯，起碼有牛味，唔似啲劣食肥牛咁得個肥字；四寶丸同墨魚滑味道唔錯，只係好似落左太多粉咁，比較鬆散；雲吞水餃有驚喜，起碼足料；響鈴蟹柳同豆腐就算吧啦，我響街市買果啲都好過佢。
之後黎多支青島，埋單計數要成$500，其實都幾貴，呢個價錢我其實去西環食火井會好好多。不過，話說回來，我地兩條友坐左成三粒幾鐘佢都無趕我地走，又無趕住收野，都不失為一個傾計既好地方。
另外，要同各巴絲講聲唔好意思，因為呢篇野無相，你知啦，無相無真相，一陣你話我無相食左鮑魚都得架啦。不過，稻香都要影相，我諗又唔洗囉，邊個香港人未食過稻香？
题外话/补充资料：
題外話，我諗因為近中大，所以見隔離幾枱都係貌似交換生既內地學生。佢地有樣野抵讚，就係食唔晒既肥牛、皇帝菜同水餃，係會問阿姐拎個膠袋帶走既！惜食香港，唔做大嘥鬼，讚！
(以上食记乃用户个人意见 , 并不代表OpenRice之观点。)
张贴