龍皇酒家 (已結業)

今日LUNCH 去試左幟哥打理果間龍皇酒家到食. 之前係公仔箱睇佢煮既野都好有興趣, 因為佢好多時都會加入西菜既元素, 唔知佢管理既酒樓點心會變奏些什麼出來, 決定試一試. 先食左個奶皇酥 (唔記得左佢個真名, 哈哈!), 賣榣真係做得好精緻, 唔捨得整爛佢, 口感好鬆脆, 奶皇同酥皮既比例配合得不錯! 另外的一碟蘿蔔糕, 賣相好似馬拉糕咁, 但好有蘿蔔味. 之後試左個牛腸, 賣相已經好有西菜FEEL, 食起上黎都方便.佢地個豉油皇炒面都值得一試, 炒得好乾身香口!~仲有試左款叫做”春風得意卷”望落去似係用粉皮包住D 蘿蔔絲, 上面加上肉鬆, 進不知一咬落去, 脆卜卜的, 原來粉皮同蘿蔔絲之間夾左一層脆料, 口感不錯, 味道比較清淡. 其他食物整體都係水準以上, 個豆苗餃入面放左好多乾搖柱絲, 蒸完之後真係好香. 最抵讚係果白烚生菜, 好爽口新鮮.