去到其實都開張左好耐架喇，不過聽講話最近換咗大廚咁就即管試吓啦。先前都試過食蒸氣火鍋，味度都唔錯架。今次就食小菜。
【招牌濃湯雞煲翅】叫左半份2個人分，大約每人2兩翅。大大條，絕不是散開細細塊。而且雞湯味道幾濃，油份唔多，份量適中。價錢都幾抵。
【油鹽水浸花蛤】花蛤粒粒都幾大隻。就算油浸都唔太咸。陪一碗白飯，啱啱好啦。
【蒜蓉粉絲蒸超級聖子皇】海鮮當然超級正架啦。平時係屋企篜個啲聖子都冇咁大條。
【避風塘炒蟹】一大鍋。蟹肉都容易食到。而且蟹肉味道非常足夠，都幾好食架。
【酥炸美國特級桶蠔】講到食蠔，當然係有咁大粒得咁更大粒啦。美國特級超級肥大，一啖咬落去，感覺好似響口裏面爆開一樣。
