影片
更多
2007-08-24
13 浏览
公司請食飯, 老細揀左皇家太平洋, 佢話之前食過好多次, 覺得呢間幾好, 好多野食。因為要開會的關係, 我差唔多八點先去到酒店, 其他同事已經食緊, 放低手袋之後我都即刻出去搵野食, 行左一圈, 第一個感覺: 都係不外如事, 唔係老細口中講得咁多品種, 唔係太吸引我。平時去洲x /港x 係太多吸引的食物, 要考慮先食邊樣。。。甚至連熊貓酒店都比唔上冷盤: 連生蠔都無, 得青口, 凍蝦同好細隻的蟹腳凍肉: 完全無味, 不值一提沙津: 超級普通, 試左一盤勁多沙津醬的青蘋果沙津壽司: 一d都唔吸引, 只有幾款魚生: 又係只得幾款, 除左三文魚之外, 其他果d唔係太新鮮, 亦唔見有人食湯飲: 南瓜湯好味; 中湯都夠火喉; 另外仲有個燉湯, 可能我太遲去到, 所以飲唔到, 不過同事話都好幾熱盤: 有成十幾種熱盤, 大部份都幾好味, 特別係牛仔骨同鴨胸燒烤: 早餐腸=> 正常味道; 雞翼=> 無試到; 羊架=> 無肉又好多肥羔; 蝦=> 好多隻, 都幾好味點心: 燒賣,牛肉,叉燒包,小籠包=> 食過最難食的一次湯麵: 可以選擇的配料不多, 但蝦湯湯底不錯甜
因為要開會的關係, 我差唔多八點先去到酒店, 其他同事已經食緊, 放低手袋之後我都即刻出去搵野食, 行左一圈, 第一個感覺: 都係不外如事, 唔係老細口中講得咁多品種, 唔係太吸引我。平時去洲x /港x 係太多吸引的食物, 要考慮先食邊樣。。。甚至連熊貓酒店都比唔上
冷盤: 連生蠔都無, 得青口, 凍蝦同好細隻的蟹腳
凍肉: 完全無味, 不值一提
沙津: 超級普通, 試左一盤勁多沙津醬的青蘋果沙津
壽司: 一d都唔吸引, 只有幾款
魚生: 又係只得幾款, 除左三文魚之外, 其他果d唔係太新鮮, 亦唔見有人食
湯飲: 南瓜湯好味; 中湯都夠火喉; 另外仲有個燉湯, 可能我太遲去到, 所以飲唔到, 不過同事話都好幾
熱盤: 有成十幾種熱盤, 大部份都幾好味, 特別係牛仔骨同鴨胸
燒烤: 早餐腸=> 正常味道; 雞翼=> 無試到; 羊架=> 無肉又好多肥羔; 蝦=> 好多隻, 都幾好味
點心: 燒賣,牛肉,叉燒包,小籠包=> 食過最難食的一次
湯麵: 可以選擇的配料不多, 但蝦湯湯底不錯
甜品: 連一款芝士蛋糕都無, 果d所謂"芒果芝士餅"一d芝士味都無, 得個甜字, 仲難食過我自已整, 蛋糕類完全令人失望。除左蛋糕之外, 仲有豆腐花同班戟, 味道雖然比蛋糕好, 但都係唔可以令人有食完甜品感到滿足的感覺
雪糕: 有牛奶公同Haagen Dazs
總括來說, 呢間酒店的食物唔算太好食, 只係得某幾種食物令人滿意, 最大問題係補充食物的次數好小, 八點之後就算無晒食物都唔無再添加, 九點仲開始執野添!!! 雖則話晚餐時間由六點半至九點半, 但無理由個個客都係六點半到, 如果有d好似我咁要八點先到, 咁咪即係叫人唔好食, 或者下次唔好黎?!?!
話分兩頭, 呢間酒店都有其好處, 裝修之後環境舒服左好多, 枱與枱之間唔會太近, 同朋友食飯傾計都唔錯, 更加值得一讚係佢地竟然有包廂房, 有一張大約可以座十個人的圓枱, 平時出面的酒店好少見有呢個服務, 因為包廂房通常都只會在中菜廳找到。如果同事/家庭/舊同學聚餐食厭左中菜, 可以試下包廂自助餐, 有自已一堆人的私人空間, 唔怕嘈到其他人,又可以食到西式自助餐, 都可以考慮一下。
张贴