之前黎開依頭都係酒吧多，估吾到甘耐冇黎開咗吾少餐廳，而依間餐廳係有酒飲之餘，仲有西班牙菜，同埋個background 幾靚，另外，仲有個大screen 睇mv，氣氛好輕鬆。
開頭，望門面以為好細，行入去望真D，其實都幾大下。有成十幾張檯。
一坐底，俾咗碟墨西哥薯片我地，岩好可以止止餓
，另外，會俾多個沙律醬俾你，配搭岩岩好，薯片同醬的味道食落好夾。
依杯係帶少少酸，但又甜甜地的mocktail Cinderella，男女都好適合。
而另一杯望落的感覺係好party feel的飲品,飲落又幾易入口，帶適中甜度，岩哂我地D女仔。
好鐘意佢個水牛芝士三文魚
，芝士味香濃軟得黎又有的似食雪糕的soft ，俾的三文魚包住食味道更特出，跟住，仲有辣肉腸, 厚切炸薯條，另外，都幾鐘意個炸奶糊，味道好香濃，熱食一流
西班牙啤酒燴慢煮牛肉煮得好軟屬，D汁都入哂味，啖啖軟淋淋的肉
正
德國蜜汁燒豬手好大份，可以俾2-4人食，外層的皮好多，燒得好香脆。
侍應的態度幾好，又細心，俾我相機食完再幫我拎去切，吾洗自己落手切，省番吾少力水
