十大碗粥麵專家 (豉油街) (已結業)

見細仔仔，食過靠得住及小皇府呢兩間食店嘅，雲吞麵都面露不滿表情，揾食肥華特登約佢在4月26日，到旺角呢間雲吞麵出名平靚正嘅麵店，食雲吞麵，可能在消費券帶動之下，此店呢個雲吞麵下午茶餐，已由$35蚊加到$48蚊，本來趁勢加價，在商言商肥華亦覺得無可厚非，但加價後此店呢碗，雲吞麵個湯底，麵質水準大不如前，祇有雲吞保持原有水準，就真係有啲那過，一碗水準大跌嘅雲吞麵，當然令到我個，特登由西貢出嚟食呢碗麵嘅細仔仔，大失所望，亦令肥華覺得老點咗佢，幸好此店個碗滑牛粥及盅酸蘿蔔都得到，佢嘅垂青才令肥華稍減歉意，以今日此店呢碗雲吞麵所收嘅價錢及質素，已經唔值得專誠捧場，行過路過就可一試