國金軒

营业中

休息中

第一度上枱嘅係蝦多士，隻蝦好新鮮，多士夠脆口，最重要係唔係好油。第二道菜係燒味拼盤，本來想食乳豬同叉燒，侍應就建議我哋叫呢個燒味拼盤，兩樣都有齊，仲有青瓜海蜇拌碟。乳豬皮薄而且冇乜脂肪，叉燒肉質彈牙而且都幾淋，個海蜇嘅質素好高，同平時出面食到嘅好大分別。溫公齋煲好味，最好食係啲粉絲，因為吸晒啲南乳味，蓮藕片雲耳豆腐卜嗰啲食材都好新鮮。呢個係侍應介紹嘅牛面珠肉，味道都唔錯，牛味好香，而且一啲都唔韌，同埋佢拌碟嗰個菜好新鮮爽口好好食。最後一個餸係杞子浸莧菜，個莧菜好鮮嫩，面頭有啲蟲草花，呢個餸清清地幾好。