平時餐廳中左伏最多唔會再去姐，好少嬲到要特登上打番個嬲嬲食評 可想而知呢間野係幾咁離譜！
中大伏....！！
當中最令我地著火個位係： 😡😡
😡一開波我地叫左牛油果芒果漢堡
佢話冇鮮芒果、轉芒果蓉有冇問題
我地都話ok
但黎到 一滴蓉同黃色都冇 （大家睇相）再問個疑似老闆嘅女人，佢去廚房！倒左杯 「溝野飲個d 芒果糖漿」出黎叫佢員工同我地講話 “呢個芒果果蓉”
各位網友睇相自己評理
冇哂唔緊要 唔好搏大霧 之後仲hea d 客咁既態度
你接唔接受到食芒果果蓉係糖漿？ 個包仲要唔平 百幾蚊咁樣樣
未出現呢個奇包之前，其他食物都難食，意粉非常咸，粟米湯加水溝稀到咁我第一次見、貴既黑毛豬仲難食過大快活個塊豬扒⋯⋯
我地一路食大家都已經話 嘩呢間野真係唔得喎⋯⋯仲好意思咁嘅價錢。
最後見到呢間店係毫無誠意厚住面皮比d 咁既野食客食
絕對要打出黎比大家知
