三川居酒屋 (已結業)

三井居酒屋。呢個鋪位好耐冇嚟過啦。中間可能已經轉左好多手。今次約咗朋友食飯朋友揀咗呢間。一入門口鋪頭面積唔大。但感覺都幾舒服。我自己都幾鍾意。今日工作壓力都幾大。入到黎坐低有即時放鬆左少少嘅感覺。打開餐牌食物嘅選擇都算多。價錢都合理。叫咗下面嘅嘢食。1.串燒牛脷作為牛脷嘅忠實fans。食牛脷我好有經驗。呢度嘅燒牛脷好食喎。我鍾意食厚身牛脷。 佢哋嘅牛脷厚度啱啱好。燒嘅熟嘅程度都啱啱好。口感一流。牛脷juicy。我推介大家要叫。2.燒雞翼感覺都幾抵因為一客有兩串，即四隻。我本人比較鍾意燒得燶啲嘅。所以佢一串好味一串普通啦。都可以叫嘅。3.牛油果鰻魚卷。我自己就覺得一般。賣相唔係太靚。味道普通。可以skip。朋友就話對呢個非常失望。 佢話牛油果嘅份量太少喇。4.魚生丼。都可以喎。魚生都算新鮮。三文魚腩都好肥美。5.蟹籽沙律質素正常。雖然朋友話沙律醬太少。整體上呢間餐廳都OK。可以一試。