孖沙茶餐廳 (已結業)

小弟喺呢區做野已經幾年，早期聽同事講佢地d太陽蛋飯好出名，之後食過幾次，係唔錯，之後間中仲會叫下炒野食，都ok好味。不過之後佢地速度愈黎愈慢，除時等半個鐘都唔係奇事 (外賣特別嚴重)。今日咁岩經過，見唔係好多人，就搏一搏叫左個炒野外賣，等左一陣，有位同樣都係等外賣ge先生問個阿姐佢碟炒野得未，因為等左好耐，個阿姐即刻問廚房，之後個阿姐好悔氣咁講：「未得呀，再等下啦。」如是者，再過多兩、三個字，果位先生碟野仲未有，結果佢話唔要，個阿姐即刻退返錢畀佢。中間呢段時間，好多電話、walk in客想叫外賣，個阿姐都係勁悔氣話：「起碼要等半個鐘ga，冇計。」我心諗：「你接唔切單就唔好接啦，成日好似唔休做咁。」結果我碟野都要成三、四個字先有，份量仲要細左，又難食左，我諗唔到咩理由再幫襯。我去幫襯大排檔，人地得兩個伙頭，多單極，我都係試過等10mins左右，仲要好夠鑊氣。