影片
更多
2020-06-12
5962 浏览
放工同先生行完魚街，返去煮飯又略嫌太晏，索性食埋晚飯先返去，先生想食火鍋，喺和民同牛一之間做選擇，同和民嘅火鍋定食比較，牛一嘅火鍋放題似乎抵食啲。火鍋放題限時90分鐘，我哋揀咗美國特選級穀飼牛肉放題，二百蚊有找，做會員仲送花枝蝦滑，價錢相當吸引。除咗豬、牛同雞肉之外，自助吧仲有多款配料，有丸類、各種菇蔬、豆製品同粉麵飯，全部象徵式用膠蓋冚住，感覺比較衛生。飲品方面主要係陽光紙包飲品，選擇唔多。木瓜海底椰白魚湯真係有半個木瓜同幾件海底椰喺湯底入面，看似足料，但味道好淡，飲落冇乜魚味，令人失望。侍應先送上肥牛兩碟同少量豚肉雞肉，豚肉雞肉冇乜特別，不過不失。肥牛方面雖然係特選級穀飼牛，但質素唔太靚，肥多過肉好多，而且食落牛味亦唔濃。花枝蝦滑唔新鮮，有陣怪味⋯⋯雖然係贈送，但咁嘅質素真係令人懷疑係咪貨尾所以先會送俾客人⋯⋯菇蔬類幾新鮮，選擇亦唔少，丸類質素平平。全晚最驚喜係有乳酪雪糕食，仲可以自己加topping，味道唔錯。雖然火鍋放題二百蚊有找係幾吸引，但湯底同肥牛質素麻麻，贈送嘅蝦膠唔新鮮，最令人無言嘅係衛生情況同服務，湯殼污糟想請侍應更換，等咗好耐都冇人理會，但我哋入座時間尚早，店內亦未
火鍋放題限時90分鐘，我哋揀咗美國特選級穀飼牛肉放題，二百蚊有找，做會員仲送花枝蝦滑，價錢相當吸引。除咗豬、牛同雞肉之外，自助吧仲有多款配料，有丸類、各種菇蔬、豆製品同粉麵飯，全部象徵式用膠蓋冚住，感覺比較衛生。
飲品方面主要係陽光紙包飲品，選擇唔多。
木瓜海底椰白魚湯真係有半個木瓜同幾件海底椰喺湯底入面，看似足料，但味道好淡，飲落冇乜魚味，令人失望。
侍應先送上肥牛兩碟同少量豚肉雞肉，豚肉雞肉冇乜特別，不過不失。
肥牛方面雖然係特選級穀飼牛，但質素唔太靚，肥多過肉好多，而且食落牛味亦唔濃。
花枝蝦滑唔新鮮，有陣怪味⋯⋯雖然係贈送，但咁嘅質素真係令人懷疑係咪貨尾所以先會送俾客人⋯⋯
菇蔬類幾新鮮，選擇亦唔少，丸類質素平平。
全晚最驚喜係有乳酪雪糕食，仲可以自己加topping，味道唔錯。
雖然火鍋放題二百蚊有找係幾吸引，但湯底同肥牛質素麻麻，贈送嘅蝦膠唔新鮮，最令人無言嘅係衛生情況同服務，湯殼污糟想請侍應更換，等咗好耐都冇人理會，但我哋入座時間尚早，店內亦未滿座，實在難以費解，希望餐廳認真改善⋯⋯张贴
