茶聊 (已結業)

喺旺角唔知食咩好就咁上嚟OpenRice睇，發覺佢排名算幾高，所以同媽咪去試吓。上到餐廳冷氣頗大，坐低咗就明白因為佢有浸異味，要開行冷氣去抽風。我哋叫咗海鮮意粉和牛舌螺絲粉。海鮮意粉質素OK但係我媽媽點嘅牛舌螺絲粉竟然係碎粒上，我哋出邊食開無論日式或者西式都係原片上，感覺好唔一樣冇咗咬口，呢個絕對扣分。飲品方面我媽媽叫咗抹茶鮮奶，佢話浸抹茶味好草青，飲剩三份二。而我飲水果茶幾清爽。埋單唔收信用卡，其他支付工具都傾向遊客甚至內地人嘅取向，連PayMe都沒有，最後好彩帶夠現金。