泰巷 (都會駅商場)

最近喺調景嶺商場開咗一間泰國菜，一於就去試吓。下午茶時段都幾多嘢食$30-＄40就有一個下午茶餐。有泰式河粉（湯河），亦都有海南雞飯、炒粉麵飯、小食，應有盡有。

試咗個金不換泰式雞肉炒河，＄44連嘢飲。碟炒河等左20分鐘左右先到，不過尚算有啲鑊氣。可惜冇乜金不換嘅味道，而且成碟炒河調味偏鹹。我食咗半碟已經食唔落去同左經理反映，佢哋嘅回應都尚算有禮貌，服務方面整體合格。