Walter Bistro (智選假日酒店) (已結業)

一年一度的母親節又來啦，今年就帶左媽咪去觀塘智選假日酒店食下semi buffet! 就喺apm附近，好方便！餐廳內部光猛明麗， 個人非常喜歡佢嘅環境顏色配搭同埋啲波波燈。Semi buffet 每位$468，每位可選一份主菜，配上每位一碗燉湯，半份波士頓龍蝦，及一杯飲品 。燉湯有響螺燉雞，材料豐富。媽咪的主菜點了香煎鱸魚， 我偷食咗一半 魚肉非常嫩滑，屬配菜薯蓉亦都好香口。我自己嘅主菜係香煎帶子，同樣係煎得嫩滑 ，不會過熟，配埋南瓜蓉，非常好食，配菜的油醋沙律酸酸甜甜的同樣好。自助餐部分亦不遜色，非常精彩，海鮮區更加有蟹腳同即開生蠔，青口，凍蝦，翡翠螺等等，質素唔錯！ 然後我發現這裏有冰鎮益力多任飲哈！掛住食漏左影刺身， 刺身有我最愛的大大粒帶子！魚子壽司都很不錯吃！甜品都好多款呀，雪櫃仲有movenpick任食呢！媽媽用餐後表示相當滿意，嘻嘻。