蒲仙味 (已搬遷) 新店位置

去開深水埗，想食啲嘢唔想太heavy，見個名幾特別就行去望下啱唔啱食，見都有幾多種類，有湯有麵有雲吞等等就入去試吓。睇完餐牌揀咗炒米粉同燉湯套餐，湯就揀咗黨蔘燉排骨，味道正常唔太差，但又無咩驚喜。米粉係好幼嗰種，配料有蛋、菜、洋蔥、蔥同少少肉，都係一般嘢無咩特別，分量亦唔算多。因為客人唔多所以都坐得濶落，服務態度亦友善，可惜唔知係唔係我揀錯食物，覺得無咩特別，搵唔到再幫襯嘅理由，如果鍾意福建食物嘅朋友可能會覺得吸引力大啲。