招點薈 (已結業)

今日晚餐食招點薈，呢度卡邦尼意粉（$88），黎到已經好有香味，忌廉汁夠曬多，好吸引，份量都唔細。入面有秋葵等蔬菜。味道好有忌廉濃郁嘅味道，意粉唔算硬身。另外一道，係意式香草忌廉汁煎三文魚（$160）。有薯仔、菇、秋葵等配菜。幾有質素。三文魚煎得微脆，入面嘅肉依然鮮嫩。忌廉汁黎味道提升。今晚有大班人book枱食飯，好熱鬧。呢度有室外位添，如果日頭黎都幾休閒感覺。餐牌選擇都唔少，下次有機會再黎食下其他食物！