百份百餐廳 (元州街) (已結業)

今次去左長沙灣的百份百餐廳食午餐。星期日下晝點零鐘都唔駛等位，讚！坐位都可以接受，唔太迫，不過可能坐近門口，冷氣唔太夠，食到有d出汗...叫左個惹味星洲炒米，鑊氣都唔錯，又唔多油！不過d粉就唔算炒得好渾，有幾啖會見到一堆分痴住係d米粉度。女朋友叫左個咖喱牛腩湯伊麵（轉左米線）成碗麵好多餸，牛腩好淋，咖哩香而唔太辣，讚！另外叫左粒特飲—海鹽柚子樂，跟餐都係+6蚊，幾好飲值得一試！總結，整體環境食物都唔差，人均50蚊消費算抵食，推介。