影片
更多
2017-11-07
57 浏览
今晚一早約左朋友試呢間101手工涮涮鍋，朋友食完話好正，因為可以成晚任飲任食5個鐘，仲有勁多特色飲料同酒，仲有無敵靚景可以打卡影相，所以就專誠過海黎左銅鑼灣呢間試一試。初初以為只係普通火鍋店，但原來餐廳都幾貴級，差唔多係全座最高，一入大堂已經好有氣派，好期待。上到去d位都好闊落，好舒服，可以慢慢坐，慢慢傾計。未揀野食前，已經送上台式小食：麻醬手撕雞同麻辣木耳，細細碟，好開胃。首先我地要揀咩鍋底，朋友話d火鍋配料好新鮮，揀一個清少少既鍋底，可以食到每樣野既味道，所以我地揀左冬瓜卜卜蜆鍋，雖然佢清，但一d都無偷工減料，成個鍋都用左唔同材料煮成，唔多講，睇相就知有誇張，食落超級清甜！食哂d蜆之後，就到手工配料，我地揀左一份海鮮同一份牛頸脊，再揀埋兩份手工拼盤。海鮮都算新鮮，一份海鮮有生蠔、大蝦、鮑魚、蜆等等。之後試牛頸脊，呢個超好味，好似食緊和牛咁，好有牛肉味又好香口好滑！之後再試埋佢手工拼盤，睇meun d好似好奇怪唔明佢講乜咁，但原來係一d好特別既手打火鍋料，例如芝士蝦滑、墨魚滑等等，每一樣都精心製作，有驚喜，出面食唔到！除左以上精選食品，仲有一系列任叫食品，雖然話任食，但材料一點也沒偷
今晚一早約左朋友試呢間101手工涮涮鍋，朋友食完話好正，因為可以成晚任飲任食5個鐘，仲有勁多特色飲料同酒，仲有無敵靚景可以打卡影相，所以就專誠過海黎左銅鑼灣呢間試一試。
初初以為只係普通火鍋店，但原來餐廳都幾貴級，差唔多係全座最高，一入大堂已經好有氣派，好期待。
上到去d位都好闊落，好舒服，可以慢慢坐，慢慢傾計。未揀野食前，已經送上台式小食：麻醬手撕雞同麻辣木耳，細細碟，好開胃。
首先我地要揀咩鍋底，朋友話d火鍋配料好新鮮，揀一個清少少既鍋底，可以食到每樣野既味道，所以我地揀左冬瓜卜卜蜆鍋，雖然佢清，但一d都無偷工減料，成個鍋都用左唔同材料煮成，唔多講，睇相就知有誇張，食落超級清甜！
食哂d蜆之後，就到手工配料，我地揀左一份海鮮同一份牛頸脊，再揀埋兩份手工拼盤。海鮮都算新鮮，一份海鮮有生蠔、大蝦、鮑魚、蜆等等。之後試牛頸脊，呢個超好味，好似食緊和牛咁，好有牛肉味又好香口好滑！
之後再試埋佢手工拼盤，睇meun d好似好奇怪唔明佢講乜咁，但原來係一d好特別既手打火鍋料，例如芝士蝦滑、墨魚滑等等，每一樣都精心製作，有驚喜，出面食唔到！
除左以上精選食品，仲有一系列任叫食品，雖然話任食，但材料一點也沒偷工，例如有18吋蟹棒、芝士竹輪、芋圓等等，食到我同朋友都捧著肚。
成晚除左食物好吸引，飲品都係主打，除左依家最興既韓式特飲，倒插沙冰系列，仲有好多cocktail，最鐘意飲佢個mojito!我同朋友大約試了6杯飲品！
整體黎講，雖然人頭費偏高，但如果想同朋友飲飽食醉成晚，絕對抵番哂啊！
张贴
