影片
更多
2016-05-12
1039 浏览
細個喺坑口住左十幾年，最近兩年搬左，今日返坑口行下，啲舖換得非常非常快，以前成日都食瑞士咖啡室前身間茶餐廳，今日換左瑞士咖啡室，試下好唔好食先！夜晚近八點到，唔洗排隊入座，但坐低左大約十分鐘就要開始等位了！店內有用麻雀砌成「瑞士㗎啡室」的裝飾，幾特別。呢到同一般茶餐廳分別不大，食物可以叫碟頭飯、叫餸食飯、輕食、或者鋸扒都得！我同屋企人一齊黎，所以叫左四人餐。四人餐如上面餐牌所示💰HKD318餐湯: 每日例湯不同或可要羅宋湯個碗就好大喇，但係實際上啲湯好少，幾淡都飲晒。個湯係好濃嘅味精湯，不要太高期望。薑蔥豉油皇煎封銀雪魚個size一上枱，都幾細條，而且條魚冇乜魚肉，同埋都幾鬆散，外層係脆脆都，味道一般，不過幾香口。咸魚蒸肉餅肉質不錯，味道好濃所以都幾咸，用黎配飯食就最好不過了。蜜桃菠蘿咕嚕肉我食完成碟之後，我好似一舊菠蘿都食唔到，唔知係真係冇菠蘿定比人食晒。咕嚕肉份量都幾多，肉質幾實，唔會太酸，味道適中，好評！椒鹽鮮魷勁差。我個人expect椒鹽鮮魷應該係一條條，就算唔係條條都係咁，最起碼唔會係件件都一舊舊成個波咁。鮮魷呢？有嘅，勁細舊，完全冇味，外層嘅炸粉超級厚！而且炸到非常乾，食一
夜晚近八點到，唔洗排隊入座，但坐低左大約十分鐘就要開始等位了！店內有用麻雀砌成「瑞士㗎啡室」的裝飾，幾特別。
呢到同一般茶餐廳分別不大，食物可以叫碟頭飯、叫餸食飯、輕食、或者鋸扒都得！我同屋企人一齊黎，所以叫左四人餐。
四人餐如上面餐牌所示💰HKD318餐湯: 每日例湯不同或可要羅宋湯
個碗就好大喇，但係實際上啲湯好少，幾淡都飲晒。個湯係好濃嘅味精湯，不要太高期望。
薑蔥豉油皇煎封銀雪魚個size一上枱，都幾細條，而且條魚冇乜魚肉，同埋都幾鬆散，外層係脆脆都，味道一般，不過幾香口。
咸魚蒸肉餅肉質不錯，味道好濃所以都幾咸，用黎配飯食就最好不過了。
蜜桃菠蘿咕嚕肉我食完成碟之後，我好似一舊菠蘿都食唔到，唔知係真係冇菠蘿定比人食晒。咕嚕肉份量都幾多，肉質幾實，唔會太酸，味道適中，好評！
椒鹽鮮魷勁差。我個人expect椒鹽鮮魷應該係一條條，就算唔係條條都係咁，最起碼唔會係件件都一舊舊成個波咁。鮮魷呢？有嘅，勁細舊，完全冇味，外層嘅炸粉超級厚！而且炸到非常乾，食一舊已經感到有好熱氣嘅感覺，真係唔多掂。
清炒時蔬一般，冇特別，但係份量真係少。
總結餐廳食物某啲份量偏少，而味道上總括都係偏咸同重味，味精味都幾重。但係服務態度幾好，上碟快，每樣食物都係熱辣辣嘅，夜晚有時想食下茶餐廳都不失為好選擇(前提要揀中好質素食物)。另外見隔離枱鋸扒，都幾大塊，下次可一試。
张贴
