Aroma Truffle (已結業)

好在而家唔洗去新加坡都買到，飛唔到都食到，仲要尖沙咀呢d就腳地點，以後想食就買，老婆終於唔洗搭上搭叫人買手信。三款薯片裏面老婆最鍾意係黑松露芥末味，甜甜地嘅芥末味同黑松露香味非常夾。呢個牌子嘅薯片都幾貴，打開個薯片袋聞到好香黑松露味，而呢種黑松露味道係同新鮮磨嘅黑松露味道差不多，絕對唔係普通薯片可以媲美。雖然一包份量唔係好多，波浪形嘅薯片有利於藏住多d調味料，令到每塊薯片都好均勻有黑松露芥末味；薯片厚度不薄，入口好有滿足感。包裝袋比較厚，加上備用嘅密封封條，食唔晒都唔會因為時間內阻而令薯片味道口感失色，我諗呢啲就係佢貴嘅原因。