影片
更多
2022-05-12
65 浏览
終於等到唔使OT嘅日子，放工餓餓地，行經旺角即刻俾「任食」，「無限享用」吸引咗，忍唔住決定同朋友食放題放肆下！令人眼花撩亂嘅餐牌：刺身、壽司、一品料理、串燒、燒物、炸物、煮物、仲有自助吧，連酒店式嘅青口、翡翠螺冷盤都有，真係不得了！！！食得放題，梗係咩都要點啲啦，用QR code夠晒方便快捷，徹底咁試咗幾輪之後，發現有幾樣特別值得推介（自己都忍唔住encore咗幾次）：👍🏻海膽手卷蔗渣價錢燒鵝味道，賣相睇落普通，但係味道絕對超出預期所想，唔臭又無雪味，夠甘甜。👍🏻刺身種類唔算少：帶子，甜蝦，牡丹蝦夠鮮甜；三文魚，油甘魚尚算厚切，夠肥美；赤貝，希靈魚清爽絕無怪味，最重要係全部肉質唔霉，解凍時間足夠。👍🏻黃金燒蠔酸甜沙律醬入面承載住肥美飽滿嘅蠔，鮮甜爆汁，必食。👍🏻鰻魚玉子燒薄薄一片鰻魚，配上厚厚嘅玉子燒，濃郁嘅鰻魚醬襯托清甜嘅玉子，口感味道都幾豐富。👍🏻天婦羅每款天婦羅嘅粉漿都唔會太重身，新鮮炸起，脆得來又唔索油，餡料有肉地，特別係炸蝦。👍🏻燒比目魚醬汁燒方式烹調，外焦香內軟滑有汁，油脂十足，帶甜解膩。👍🏻日式牛肉鍋瞌埋眼食同平價壽喜燒差唔多，湯頭幾夠味，牛肉唔老，份量又多，撈埋蛋食夠晒
終於等到唔使OT嘅日子，放工餓餓地，行經旺角即刻俾「任食」，「無限享用」吸引咗，忍唔住決定同朋友食放題放肆下！
令人眼花撩亂嘅餐牌：刺身、壽司、一品料理、串燒、燒物、炸物、煮物、仲有自助吧，連酒店式嘅青口、翡翠螺冷盤都有，真係不得了！！！食得放題，梗係咩都要點啲啦，用QR code夠晒方便快捷，徹底咁試咗幾輪之後，發現有幾樣特別值得推介（自己都忍唔住encore咗幾次）：
👍🏻海膽手卷
蔗渣價錢燒鵝味道，賣相睇落普通，但係味道絕對超出預期所想，唔臭又無雪味，夠甘甜。
👍🏻刺身
種類唔算少：帶子，甜蝦，牡丹蝦夠鮮甜；三文魚，油甘魚尚算厚切，夠肥美；赤貝，希靈魚清爽絕無怪味，最重要係全部肉質唔霉，解凍時間足夠。
👍🏻黃金燒蠔
酸甜沙律醬入面承載住肥美飽滿嘅蠔，鮮甜爆汁，必食。
👍🏻鰻魚玉子燒
薄薄一片鰻魚，配上厚厚嘅玉子燒，濃郁嘅鰻魚醬襯托清甜嘅玉子，口感味道都幾豐富。
👍🏻天婦羅
每款天婦羅嘅粉漿都唔會太重身，新鮮炸起，脆得來又唔索油，餡料有肉地，特別係炸蝦。
👍🏻燒比目魚
醬汁燒方式烹調，外焦香內軟滑有汁，油脂十足，帶甜解膩。
👍🏻日式牛肉鍋
瞌埋眼食同平價壽喜燒差唔多，湯頭幾夠味，牛肉唔老，份量又多，撈埋蛋食夠晒滑。
👍🏻酸菜魚（自助吧）
酸中帶微辣嘅酸菜魚，啖啖肉，又唔腥，等唔切嘢食上菜嘅你可以夾啲食住等🤣
👍🏻各式炸物
芝麻雞翼，榴槤波波，基本上最經典嘅炸物點叫都唔會出錯，滋味無窮，放心食。
最後值得一讚嘅係，就算人頭滿滿，但係上菜速度都唔慢，仲冇點漏單👍🏻呢個價格，下次想食放題都會再返嚟。
张贴
