am.pm (譽發廣場)

本身成日黎食，初開業時覺得佢既價錢平平地，都做到“動L”既感覺，空氣感好足！
點知宜家愈做愈差！同初初開業時既空氣感冇得比，一個月前黎食過已經覺得差左，已經覺得好粉，但仲叫做平平地食得過。
宜家一個月後黎，個梳乎厘size竟然細左成一倍？

比一個月前黎食時縮水左一倍

$28

食落完全覺得食緊好粉既pancake，雖然未至於好濕，黏到一patpat，但係零蛋香，皮煎得燶而不香脆，已經唔係繁忙時間過黎食，點解仲可以做得咁差？如果初初佢俾啲咁垃圾既質素人，我諗佢一定紅唔起，唔會有報紙介紹佢！
喺佢fb page同openrice已經睇到佢好多伏評，如果佢再唔改善下，質素繼續咁樣以幾何速度下降，執粒指日可待！