御石燒 (已結業)

御石燒 - 旺角📍旺角廣華街2-20號翠園大廈二期地下10號舖不嬲都好鐘意食呢類型既石燒，一人一set, 好方便又夠飽，最開心係你有得食燒肉，我又有得打邊爐咁，win win. ✌🏼呢到大約十幾個位，8點黎到都坐滿8成。裝修舒服，侍應勤快，又貼心，見你個火熄左，即刻過黎加火。御燒特級牛小排 - $158呢到有吉列牛、同燒豬/牛肉同埋牛舌，我地叫左個比較好既牛小排試試佢，店員一開始會教用牛脂起爐，牛既分怖好平均，食落口一啲都唔會um, 未去到入口即溶，但有牛味又唔會太膩，夾埋珍珠米白飯食就一流。值得一提係佢個燒肉汁，甘甘地，同舊肉好balance. 牛肉野菜鍋 - $85有大白菜、金菇、本菇、蘿蔔、芋絲，肥牛份量都幾多。湯底係甜鼓油味，加上野菜既清甜，就咁飲湯都好正。 呢到既set 可以要超大既紫菜味素飯+流心蛋+麵豉湯（+$35），或者一個/半份份烏冬(+9), 我要左半份，烏冬好彈牙，又掛汁，個湯仲會愈煲愈甜。 呢個價錢真係好唔錯。