DALLOYAU Le Café (已結業)

Afternoon tea 好多地方都可能只有咸點或甜點味道較為出色，但這裡咸甜點質素平均，每一件的味道都不錯。 咸點方面，龍蝦肉有花花果件味道有點驚喜，有好fresh既感覺。甜點就不會太甜，熱情果比較特別，而香蕉蛋糕就比起好多地方都整得好味，香軟但個香蕉味唔會好人造咁。我覺得佢好識運用唔同食材既味道特色，每一件都令你食出好唔同既味道，而每一件雖然由不同食材配搭而成，但都能夠突出主食材既味道。Scone 是後上的（其實唔知點解），暖，味道無乜特別，但個 jam 就幾fresh, 有果味唔係好人造果啲，我唔食果 jam 既都覺得唔錯。服務方面，唔差，不過唔夠細心，例如佢放左一碟糖俾我飲茶用，之後響無問我仲用唔用既情況下突然間拎走左碟野，又例如壺茶加水淨係加其中一個人咁，等等。環境方面，佢唔算多枱，有室內室外，我今次被安排坐室外，都幾涼爽。 室外可以吸煙的，但唔知係因為通風定佢有部機抽煙，我附近有人食煙但都唔會覺得有煙味。整體黎講其實幾好，有機會都會再黎！