金雋鍋貼大王 (已結業)

做左屯門街坊十幾年，呢間鍋貼大王都開左好耐，由初中時期開始伴我成長。今日難得經過置樂，決定去食返個下午茶。 下午茶時段無乜人，坐得舒服。 叫左份下午茶餐，三隻鍋貼、一隻生煎包、一杯豆漿，二十蚊。 其實份量算係好少，不過其他餐又麵又粉，唔係幾想食，所以叫左呢個鍋貼餐。鍋貼同生煎包都煎得好油下，味道同以前差不多不過鍋貼入面既料就真係好少。 生煎包我就叫左牛肉，咬落去啖啖肉汁，食一個唔係幾夠喉，好想食多一個。整體來說，呢個價錢呢個質素都不過不失，不過跟以前的質素相比，真的越來越退步。