活一鮮 (已結業)

咁岩今日嚟到北角，又想食下日本野，不過又唔想食啲連鎖餐廳。睇完OpenRice就揀咗依間啦。牛柳粒蕃茄湯烏冬依個湯底唔錯，夠哂足料，有好多蕃茄，最緊要牛柳粒幾好食。特級刺身拼盤咩都可以試啲，幾個人食岩岩好，刺身切得幾厚身，亦都夠晒新鮮，啲蝦亦都夠晒鮮甜。紫心香竽丸如果你鍾意食香口野，依個一定啱你。香竽丸唔單止香口，仲有好多料係入面。松葉蟹肉沙律 每餐都需要蔬菜嘅我，叫咗個沙律。啲菜都幾新鮮，蟹肉亦都足料。整體嚟講質素比連鎖日本餐廳高，亦都啱晒啲鍾意厚身刺身嘅人。