Gram Cafe & Pancakes (已結業)

雖然知道其實Gram係尖沙咀都已經開咗一段時間，但係我呢個港島人真係好日都唔去一次九龍區，所以今次都係第一次食咋😆因為全部食物都係即叫即做，所以大概要等15-20分鐘左右，等候時間都好合理。點左石板街班戟，望到相已經覺得好吸引🤩 原來係香港限定口味黎，咁就唔試唔得啦～一上枱真係呆左，因為真係好靚呀！賣相邪惡但係真係好吸引。三件朱古力味班戟之間都夾住吉士醬，吉士夾心幼滑夠creamy，班戟鬆軟又唔會太乾，旁邊仲有焦糖脆脆，棉花糖同士多啤梨🍓，口感好豐富。成個pancake份量好足，同朋友一齊開心share都絕對可以。