Peko Peko Eatery (勝利道) (已結業)

今次呢間餐廳，其中一個朋友係常客，極力推介佢問咗我哋有乜嘢唔食之後就揸主意點左一啲佢食過覺得好好味嘅菜式沙律小食餐湯主菜特飲白酒一次過試晒食得滿足又滿意🟠Love Strawberry 個名聽落好甜蜜，士多啤梨、紅菜頭粒、車厘茄、無花果食落都甜甜蜜蜜，沙律菜新鮮清爽，加咗隻味道好特別嘅汁，鮮果味紅紅哋，開胃🟠粟米流心芝士波、烘焙胡麻雞話明係小食就真係細細份細細粒，幾鍾意個粟米流心芝士波，口感幾得意，出面嗰層碎碎好似係嗰啲零食粟米通整碎咁，入面d芝士係cream狀🟠蘑菇湯蘑菇磨到好幼細，飲落係感覺到又唔係咬到果種感覺，攪勻上面果層泡沫忌廉飲，又幾香🟠海膽三文魚子竹炭烏冬、扇貝明太子意大利麵個海膽烏冬好似話係呢間餐廳嘅signature菜式，我自己都幾鍾意，雖然唔係湯烏冬，但係啲汁多到差唔多cover晒成個烏冬，而且個汁係特別調製嘅海膽汁，每一啖烏冬都有濃烈嘅海膽味，呢隻烏冬幼身啲，煙煙韌韌，另一個朋友就明太子意粉，同樣係因為個汁啱佢心水🟠美國安格斯肉眼牛肉12安士塊扒大過塊面，軟稔稔，朋友手起刀落，負責切晒塊牛扒，啲汁本身已經淋晒喺面，咁好服侍，又清晒🟠白酒一枝開返枝酒，碰碰杯，充滿儀式