影片
更多
2016-11-07
628 浏览
早幾日去住灣仔既朋友屋企拎啲野 走果陣見到有間新開張既小店，食後覺得值得為此小店打打氣門面望落去幾舒服，人手都幾夠，門口有3張4人枱，環境幾清靜優閑另外一邊鋪面餐牌 拿。。我無講大話，價錢係灣仔黎講都幾難搵到咁平，我問過老闆，佢話開呢間鋪係佢夢想黎，賺錢固然重要，都想帶啲價廉物美既食物俾每一個人！老闆同員工如果唔太忙果陣都幾吹得下=0=..講左咁耐入正題啦呢間小店係做鐵板燒的，先黎墨魚丸，白雞肉串x2，露筍煙肉卷，豬頸肉，份量都唔少的，全部都好夠熱，材料都好新鮮！小店提供左兩款醬汁俾客人點串燒，左面係花生碎沙嗲醬，好惹味好香，極微辣，老闆自家調制的！右邊係芝士腐乳醬，陣陣芝士香味，食落有淡淡腐乳味，兩者結合洽到好處，大家一定要試下！香草雞扒，好juicy且有微微香草味，但可能我食開比較濃味，覺得味道淡左dddd 不過我都有同老闆傾過下，佢話會收集聽下客人意見再改進一下脆肉瓜，好多汁，味道剛剛好，仲要厚切，不得了燒羊架，師父火喉控制得好好，呢份7成熟，肉微紅，但好多汁好多汁好多汁，重要野要講三次！！！多重芝士焗荷蘭茄子，唔係我地食開煎饟3寶既茄子，呢隻厚肉多汁，而且帥父無渣流灘，芝士份量
門面望落去幾舒服，人手都幾夠，門口有3張4人枱，環境幾清靜優閑
另外一邊鋪面
餐牌 拿。。我無講大話，價錢係灣仔黎講都幾難搵到咁平，我問過老闆，佢話開呢間鋪係佢夢想黎，賺錢固然重要，都想帶啲價廉物美既食物俾每一個人！老闆同員工如果唔太忙果陣都幾吹得下=0=..
講左咁耐入正題啦
呢間小店係做鐵板燒的，先黎墨魚丸，白雞肉串x2，露筍煙肉卷，豬頸肉，份量都唔少的，全部都好夠熱，材料都好新鮮！
小店提供左兩款醬汁俾客人點串燒，左面係花生碎沙嗲醬，好惹味好香，極微辣，老闆自家調制的！右邊係芝士腐乳醬，陣陣芝士香味，食落有淡淡腐乳味，兩者結合洽到好處，大家一定要試下！
香草雞扒，好juicy且有微微香草味，但可能我食開比較濃味，覺得味道淡左dddd 不過我都有同老闆傾過下，佢話會收集聽下客人意見再改進一下
脆肉瓜，好多汁，味道剛剛好，仲要厚切，不得了
燒羊架，師父火喉控制得好好，呢份7成熟，肉微紅，但好多汁好多汁好多汁，重要野要講三次！！！
多重芝士焗荷蘭茄子，唔係我地食開煎饟3寶既茄子，呢隻厚肉多汁，而且帥父無渣流灘，芝士份量極多，好重手
牛舌，小弟至愛，去到任何一間餐廳有得賣我都一定會叫，今次都唔例外！呢份牛舌爽口彈牙又有肉汁，味道剛剛好，師父只用左海鹽吊味，但已經好夠，誠意推介俾大家
芝士菠菜焗大啡菇，同樣地，芝士同菠菜份量好多，菇直徑都有目測9cm 以上，唔失禮，菇一切開已經好香，食落口一啲都唔乾，好多汁，師父焗呢個時間岩岩好，抵讚之後仲點左杯青檸話梅soda,味道不錯，幾清新，最後仲叫左個焗棉花糖，唔好以為好似坊間果啲咁普通，其實內有乾坤，棉花糖下有帶微酸既檸檬醬，老闆應該係想用帶酸既醬中和棉花糖既甜，最底層仲有驚喜，係消化餅碎，為呢款甜品帶黎口感，三者配合得好好
總括而言，呢間小店食物有水準，價錢便宜，大家應該支持一下，香港而家已經好少呢啲小店，租金貴，食材貴，小本經營已好難生存，大家去開灣仔就不妨幫襯下啦
张贴
