二世祖

营业中

休息中

尼間多國菜餐廳，無論係食物、飲品定甜品賣相都非常吸引🤩咁岩朋友生日決定黎試下，環境舒適，枱與枱之間空間感足夠，唔怕太嘈同朋友傾唔到計.三級風暴薯條🌪🍟尼款薯條同平時既薯條唔一樣，外型有D 似薯角但唔完全係薯角，食落都無薯角咁多薯蓉，不過都好食既🤣醬料方面就係黑松露、香蒜醬、明太子醬，香蒜味比較少見，味道較濃烈，明太子醬較濃稠，味道唔算太突出，所以我都係中意黑松露醬多D😋片皮鴨醬鴨肉意大利飯尼款Risotto 比較少見，係中式x西式不過意外地好食🤭，片皮鴨醬甜甜地，食落幾開胃，有兩樣野會扣分就係鴨肉有啲乾身，加上Risotto 都偏濃稠唔夠濕潤，整體食完有D 口乾🥲墨汁芝士軟殼蟹燒煙三文魚海鮮薄餅🦀🍕Pizza 配料非常足料，軟殼蟹大大隻，食落外脆內軟啖啖蟹肉。薄餅皮非常薄加上薯蓉，口感更為豐富，雖然墨汁味唔太突出，但整體比黎講，因為海鮮較多而且味道都突出，所以值得一試🤤牛油果奶昔🥑低脂健康飲品之選🤣牛油果味濃郁，唔會比奶味蓋過，而且夠哂飽肚。